Mera mulk, may hukamraan, may shatir.

Ye jo beess crore hain,
jehl ka nichore hain,
tareekion may doobay huay,
dil b inke chor hain,

inko tu daba k rakh,
neend ka jaam pila k rakh,
uthay to sehla dijiyo,
khauf tu inmay basa k rakh,

ba shaoor jo in may uthay to,
zehr pyar se pilao to,
khamosh wo b ho gya,
jabar, agar phir uthay wo to,

ye jo tera mulk hai,
ye teri hi to milk hai,
karachi lahore teri zameen,
tere khel ka maidaan to hai,

ye jo sab ghareeb hain,
inke kya naseeb hain,
zindagi maut maut zindgi,
ek dairay may muheet hain,
to inko tu pisaey ja,
mustaqbil ko inke khaeya ja,
khoon sab nichore lay,
khazanay apne bnaey ja,

ke ye jo tere log hain,
kuch in may bas tere log hain,
pait or niyyat bharta ja,
paisay k sab ye log hain,

tjh ko bura bolain to ye,
keh day tu inse datt k ye,
beess crore ko sula dia,
kya kumm hai mera kamaal ye?

(inspired by habib jalib's main ne us se ye kaha)